- عوض الكريم الطاهرياحليل البلد ياحليل شمالو وغربو
ياحليل الجنوب والجبال فى شرقو
يالساسة الكبار بسرعة قوموانكربو
الحقو لى للبلد قبال اوكامبو يخربو 
عوض الكريم الطاهرعديت فى الشيوخ بعد الالف تلاتين
وندهت البنايه والماتو والحيين
يالصلاح عموم اهل العلم والدين
تلمونى فى الخدو ينور البحرين- عوض الكريم الطاهراسفين ياشباب بس ده جرد فنى لربع العام الحالى لذلك قمت بمراجعت هذه الاعمال
- عوض الكريم الطاهرمابنابهو السهر بين الرفاق ياصديق
النمه الحنين بيهو الصدر مابضيق
والولف الشديد بين البنات هو معيق
الا ولف الشباب تلقاهو يوم الضيق - عوض الكريم الطاهرحباب اسد الغبش همباتى انت حقيقه
تنهب فى العقول مالقينا اى طريقه
النمه الرصين مالكو شايلو ا طبيقه
نتعب بى وراك وانت كالعاده هادى طبيعه - عوض الكريم الطاهريابكرى اخوى النمه فيها دوانا
الداير الوداد والصدق يعنانا
والكايس اللعب والباقى داك يحوانا
نحنا الصديق نفداهو قبل جنانا - عوض الكريم الطاهراسياد الحروف والسهر والعفه
اولاد البلد الحامله رايه العرفه
معروفين دوما اسودا قاطعه النفه
والهمباتى داك نمرا بعدى اللفه - عوض الكريم الطاهربرق القبلى رفة وعكس النسيم بقبالى
يالسمحة ام عجن انسى الحزن لا تبالى
انشاءالله الفرح جواكى ديمة يلالى
والساكن الفواد اسلم ويبقى مثالى - عوض الكريم الطاهرتسلم ابو البشير انشاء الله خير اذيد
والقايد المحنك ود اصول صنديد
بترولنا الحقيقى انسانا بالتحديد
العز والشموخ والثمتة يوم العيد - عوض الكريم الطاهروين السادة فى الحسان الاولى
وين الضامرة العاقلة مامبهولى
وين ست اللهيج والبسمة العسولى
وين الغايبة من مسدارنا وهى المسؤلى - عوض الكريم الطاهراليوم البلد رفعت شعار الوحدة الطوعية
والساكن شرق والساكن الغربية
والساكن شمال والساكن الجنوبية
واحد فى البلد بثقافة سودانية
والبيتو فلة والبيتو من قطية
بتجمعهم حضارة راسخة والعمة سودانية - عوض الكريم الطاهرخشيت المطار لاقانى البجيب الحمى
نسيت ابو طة وقلبى انكمش ونزمى
ياراحم الخلوق اشفى من هذة الغمى
ارجع طيب من المردف وشايل الزوق والهمى - عوض الكريم الطاهرضليت مع الاشواق سنين فكرتة ارجع للوطن
عانيت امرين العذاب مالقيت رفيق ساعة المحن
سارعتة فى البعد السراب وذداد صدى الغربة الشجن
لا عتة لى احضان هواى لا عدتة لى ارض الوطن - عوض الكريم الطاهرحبابك يالاصم يالمابحدثوك بالجود
حباب اهلى الحنان والكلمة ليها عهود
ودجابر حبابك سيدالبلد والفود
تسلم يالخزين للحارة ليك بنعود - عوض الكريم الطاهرصباحك يابلد ابيض منور ضيى
صباح النيل والابنوس ومن قال حى
صباح الخلوه والتقابه والدعا لى
صباح لكل دم سودانى وين ما لاح فوق الضى - عوض الكريم الطاهريالسودانى الماسك المنصب لوكنت قفير او كنت مدير
حاول دايما انجز عملك وسيب الونسه وشغل الغير
حال الشعب النفسو قصير ما برضالك بالتاخير - عوض الكريم الطاهرلماتغفى علي ضفايرك يختفىى القمر النهار
ولماتبسمى بين شفايفك يطلع البرق المدار
ونظرة من عينيك تعمل الف حادث ياكنار
ياواحه فى عزالسموم تلهمى الرجل القرار - عوض الكريم الطاهرهاناس الدوام شلانى فاتنى السوق
وتفرقت الخلوق ماوجدته اى مخلوق
والعربيه سرقت وحالى ذى صعلوق
بس التحايا لكل شباب السوق
وبكرى والهمباتى اخوى نجضوا المحروق - عوض الكريم الطاهروين البضوى الغرفه دون مصباح
وين الخدو ابيض من جنى التفاح
وين بت التلوب النايبو ا دايما صاح
وين هدى الاصيله الذى عنبه الفلاح - عوض الكريم الطاهربت النيل سلام يابت عزاز القوم
تفخر بيك بنات الباديه والخرطوم
يابت الاصول الخاتيه من اللوم
ات ست الكرم قبل الاسود ه تنوم - عوض الكريم الطاهرقبل ما اقول سلام بدور اقول اهلين
بالقمر المنور فى سماء النيلين
قبال الشكر والرحله فى التدوين
بقريك السلام من دوحه الياسمين - عوض الكريم الطاهربسم الله سلام اولاد كرام القوم
جبال الدهب فى البودى تعوم
اسياد الكرم والسمته والمعدوم
اولاد الوطن فى الباديه والخرطوم - عوض الكريم الطاهرلما الحب يكون مصنوع
ولما الشاب يكون مخدوع
ولما البت بين عشره شباب جاريه تموع
ايه الفايده من بنيان مطفيه شموع - عوض الكريم الطاهرعد الشوق كتير تانى الجرح نزاف
وبعد الحب اصيل خايف العيون تنشاف
وبعد الانبساطه تعود ليالى نشاف
ويصبح الجفا عنون قلوب هى نضاف - عوض الكريم الطاهران قدلت ملاك فيها الخصال متروكه
وان بسمت برق القبلى العى مبروكه
وان نظرت جميع من شافه هبر فى شروكه
تسلم من كلام الناس وهى المبروكه - عوض الكريم الطاهرحباب الاصم فارس ام نحاسا عوى
حباب الدخرى فى ارض المحارم سوى
يوم الناس تضج ثابتا اردم الهوى
تسلم يالهميم من كل مكايد حواى - عوض الكريم الطاهروفارس الحروف ود التجانى المك
من ارض الجزيره كشف العليهو الرك
اوفى لى المعانى وذاد من غير شك
مجرب من قديم لى عدوهو دايما دك - عوض الكريم الطاهرابراهيم اخوى والله جبت اسرار
من ود التجانى الفارس المغوار
كرسى الاحتراف الليله موقد نار
كشف لى المدفن جوه المخازن زار - عوض الكريم الطاهرحكام الكوره مش حكام البلد
ادرس العنوان انت ياولد
خلينا فى الكفر مادايرين نكد
يحيا الزعيم وسيد البلد - عوض الكريم الطاهرالشعب يريد تغيير الحكام الشعب يريد فرض النظام
الشعب يعيد المجد والاحلام للكوره والجمهور واستادات تمام
بقياده الزعيم الكوره فى الامام لقياده العرب وافريقيا بنتظام - عوض الكريم الطاهرقرارك سارى ابو الصديق يمين ماعيقو
والزول النزل فى البيت ضيف يجد ترحيبو
والكوره معروفه يوما ليك ويوما تشوف تخريبو
والعندوا الفهم حرم بيلقى طريقوا - عوض الكريم الطاهرابو الصديق سلام ياود كرام القوم
انشاء الله الفرح مايفوت ديارك يوم
للضيفان دوما سالخ تقوم مهموم
ودعز الاهل الباديه والخرطوم - عوض الكريم الطاهراليوم الزعيم كشر مرق لى انيابو
وسكواها الحريف شبك المعز قدابو
المريخ قدل فى الساحه ماتتقابو
وابوالهل اختفاء وعقبان فقد لى شبابو - عوض الكريم الطاهروفوزنا على الهلال مافيهو تانى جديد
ومعروف الزعيم كان من زمان صنديد
التاريخ مسجل وكل كرامت عيد
قبل الناس تضحى نحنا الخروف فى الايد - عوض الكريم الطاهرفرسان الحروف حرم حبابكم عشره
ابعدنى الدوام من نمكم والعشره
مقالبت الفحول فوق الحسان ماقشره
امجدوا حسنهن والبايره تطلع كشره - عوض الكريم الطاهرمن صدر القمر مرقت تضوى الساحه
ومن صدر الغزال فاحت رياح تفاحه
ومن ضل الهجير كالت عيونا سماحه
سكنت فى الشرايين وطلعو الغلابه قماحه - عوض الكريم الطاهرالقمرى العكل فوق العيوش ما بنوم
والسقد البرك وعيونو حاميه النوم
مابحاكينى يالسمانى فارس القوم
الداخل الفواد اتفجر ودشر هاليوم
خلى الناس تعزى وانا من زمان مسموم
الا الحال العلى رب العباد داريها عموم
من كتر السهر والشوق للخرطوم
والنيل الطمح عبر الدويم معدوم
انا سالو الاله ارحمنى من اللوم
ويجمعنى بالعذبنى وحمانى النوم - عوض الكريم الطاهرالساكن الفواد مابدور اكوسو عليهو
والداخل الشرايئن وديمه سابح فيهو
دايما فى الوجود ظاهر تلامس تيهو
يالجيلى الحبيب مهما بعد طاريهو
اندهو سرعه ارفع ليك تمام باكيهو - عوض الكريم الطاهراليوم التلوب للجبنه سوى لدايه
والهمباتى اخوى تب عدمه الصفايه
فى دار بكرى ديك كانت النفوس هدايه
وا حظى السجم الديمه فايت التايه - عوض الكريم الطاهراليوم الزعيم ضرب الافارقه عموم
وناس انتركلوب بى مرجيحه فى الخرطوم
فارقو الابطال بقرار العجب العجيب محتوم
ياهل الحساب عدولى كم الدخلو فوق الكوم - عوض الكريم الطاهرطال بينا البعاد من دار البكفيك شيه
والشوق والحنين للباوقه والمحميه
وبحر ابيض ضفاف ام جر هناكه بنيه
من خضره جروفنا شالت اللونيه - عوض الكريم الطاهرالدنيا العبوس مابتلحقلها ميس
والرزق الحلال مقسوم موزع قيس
ياود التلوب ساعه الرجال فى الميس
بتنفض توب كرم منو الخلوق بتقيس - عوض الكريم الطاهركل ماقول انوم تقلبنى ليكى عيونى
كل ماقول اتوب من الغرام وجنونى
واهجر للبلد وارحل افارقو حنونى
اغلبنى الحنين للاسمر المفتونى - عوض الكريم الطاهرطال بينا البعاد من الجروف والنيل
واذداد الحنين للفى جناينو بميل
يارب العباد عجل بعوده ليل
نصبح فى البلد ونفرح البضوى الليل - عوض الكريم الطاهرهلا والله سمار البلد الفتق فى الجروف والنيل
هلاوالله بالاصيله الطاله حامله ثماره كالقنديل
بت عادل مرحب بيك حبابك فى ضفاف النيل
تدوم الصداقه ويبقى التواصل بينا قوى دليل - عوض الكريم الطاهرصباح الخير على السودان
صباح السمره فى الوديان
صباح النيل على الخزان
صباح الغربه والاحزان - عوض الكريم الطاهركل صباح جديد انا حبى ليهو يذيد
للنيل والجروف الطيبه بالتحديد
فيهو جمال طبيعه مافى ليهو نديد
مكتمل الخصال سودانا ديمه فريد - عوض الكريم الطاهراودمسيخ انا وياك الظاهر مرضنا غريب
السهر العليك صايبى منو ا نصيب
الحارق حشاى وزايدنى فى التعذيب
اسمر لونو من بحر ابيض يطل ويغيب - عوض الكريم الطاهراسد فى الكتال حاشاكى مابتتنى
ودانه الاربجى الكلمه ترسم حنه
ود اسياد زمانو للعالى والبتمنى
تسلم يالهميم اياك الدخرى عليك املنى - عوض الكريم الطاهرناير الوجنتين الديسو كابى عمامه
شهانى الغميد عجل على الطامه
ضامر من وسط اسمر طويل القامه
مردوف الصدر نص يوما فى حمامه - عوض الكريم الطاهرسماحه الديسه نازل للورك مبهول
سماحه من صيغره دقو ليها طبول
سماحه عند مغيب الشمس تضوى سهول
سماحه الحافظه للشرف بالعشق مكتول - عوض الكريم الطاهرحباب ود الاصول المابسوى النيه
حباب اسد العرين لخصمو طابق الكيه
ستار العروض بزرع مع الفجريه
دايما للرفاق اكرم مراره وشيه 
الفكى الصديقسماحة الزول في الصبر زي فحل الجمال إن هاج
وساعة الكتال زي كاسر النمور أب عاج
سماحة الغني تنية إيدو للضعيف محتاج
وسماحة التوبه لبسة إحرام وقدلة الحجاج- عوض الكريم الطاهرناير الوجنتين الديسو كابى عمامه
شهانى الغميد عجل على الطامه
ضامر من وسط اسمر طويل القامه
مردوف الصدر نص يوما فى حمامه
السبت، 16 أبريل 2011
مجادعات على الفيس بوك
الاشتراك في:
تعليقات الرسالة (Atom)
ليست هناك تعليقات:
إرسال تعليق