شعراء السودان الشباب

هى مدونه ارشيفيه لكل الاعمال الفنيه والثقافيه للشباب السودانى بغض النظر عن عمره وتاريخه وانتماته فهذه المساحه للادب السودانى الاصيل

الاثنين، 18 أبريل 2011

مجادعات على الفيس بوك 3


    • السماني نورالدائم
      ياعبدالكريم تلقي السلاح موجود*تسافرللبريقة وفي المحاسة تخود*اتقهقرعدوك دايرلو تاني شرود*تفطرو بالقنابل تقدي بالبارود*
      منذ حوالي أسبوع ·  ·  · 
    • ود مسيخ
      ليا عظيم شرف الليله جيت في داركم
      فرسان النميم المافي هايف زاركم
      أنتو كواكب الغنا لي البدور مقداركم
      أدوني ألاذن كان ساي ألفو مداركم
      منذ حوالي أسبوععبر فيس بوك موبايل ·  ·  · 
      • أنت و السماني نورالدائم معجبان بهذا.
        • Mohammed Awad مرحبتين حباب ودالمسيخ العالي
          دارك ومطرحك خليك انت قبالي
          ياك فارس النميم البتجيبو دايما حالي
          املا الحيط غنا وبهيبتك كفيت جميع اقوالي
          06 أبريل، الساعة 08:20 صباحاً‏ ·  ·  2‏ أشخاص
    • عوض الكريم الطاهر أضاف ود مسيخ إلى المجموعة
      منذ حوالي أسبوع ·  ·  · 
    • عوض الكريم الطاهر
      ياودمسيخ انا وياك الظاهر مرضنا غريب
      السهر العليك صايبى منو ا نصيب
      الحارق حشاى وزايدنى فى التعذيب
      اسمر لونو من بحر ابيض يطل ويغيب
      منذ حوالي أسبوع ·  ·  · 
    • ‎Ibrahim Elfatih‎
      ...
      الزول الاضينة ياهو الملازم الهرشة
      في وسط العوين تلقاهو باهل الكرشة
      معروف الغشيم ماهو البحمل الدرشة
      بيفز و بيزوغ وكت الجتت منفرشة
      منذ حوالي أسبوععبر فيس بوك موبايل ·  ·  · 
    • ‎Ibrahim Elfatih‎
      ...
      هن حر الكماج تلقاني يوت كراب
      وكم في الجته طعنات سيوف وحراب
      حديث الناس ما همي فوقو إن عاب
      وما بزيد في تالاي شكر إن صاب
      منذ حوالي أسبوععبر فيس بوك موبايل ·  ·  · 
    • عوض الكريم الطاهر أضاف منير ود عماره وعمار البطحاني و10‏ أعضاء الجدد ‏ إلى المجموعة.
      منذ حوالي أسبوع ·  ·  · 
    • ‎Mayada Khidir‎
      ويوم تلقاني في حر ا سمومو يشفق
      ويوم تلقاني في جوا ايديا تصفق
      يوم تلقاني لكل زول بدوبي ارفق
      وايوم تلقاني في وحدة ودموعي تدفق
      منذ حوالي 2‏ أسبوعين ·  ·  · 
      • لقي هذا استحسانك واستحسان Kirma Alhag‏ والفكى الصديق والشاعر المخستك‏.
        • Kirma Alhag يوم تديكا من عتمة ضروعا سعادة
          ويوم تسقيكا مــن مر المنايا السادة
          أصلو الدنيا مافيش يوم تكون معتادة
          أحسن فيها تخرج للضيوف العادة
          04 أبريل، الساعة 07:18 مساءً‏ ·  ·  شخص واحد
        • Kirma Alhag ( تخرق )
          04 أبريل، الساعة 07:19 مساءً‏ · 
        • حبه الشاهين مرحب بالبنية الجأت
          تدوبي وفي سمانا تغني
          وياميادة كان سالت دميعاتك أكيد ببكني
          وياها الدنيا ياالمريودة مابتديه أي تمني
          شيليهو الصبر آ بنية وخليهو ردك يصلني
          04 أبريل، الساعة 07:39 مساءً‏ ·  ·  شخص واحد
        • Kirma Alhag يوم تشيل ضي القبيلة ؤ تروح
          يوم بي فرح النصر تداوي الروح
          ويوم سافيها بكتح في العيون النوح
          ويوم بتجمع بين الحبيب و الروح
          04 أبريل، الساعة 07:58 مساءً‏ ·  ·  شخص واحد
        • Kirma Alhag يومن عصير مرق النحيل بتنى
          بين روب الشدر و الخميلة الغنا
          زملاي شافوه قالوا دا الجــننا
          قبضوا الزناد دايرين يودوا الجنة
          من حينو شافن و اتردع و انجن
          وراهن بالنقيز فن الفزيز في الفنة
          04 أبريل، الساعة 09:02 مساءً‏ · 
        • Mayada Khidir وم تلاقني هادية ورايقة كلي محبة
          ويوم تلقاني هايجة ومابتفهم حبة
          يوم تلقاني في دارت الفرح منكبة
          ويوم تلقاني صارة ومن بعيد متنكبة
          05 أبريل، الساعة 12:40 صباحاً‏ ·  ·  2‏ أشخاص
        • Kirma Alhag قصدي ( عديلة و خايلة )
          05 أبريل، الساعة 12:10 مساءً‏ · 
    • الفكى الصديق
      سمح الموت وكت العروض نفداها
      وسمح الكتال عند الأم تحرسو جناها
      سمح الكتال وكت ريحة الدم الصقر إبراها
      وسمحه العافيه نحمد الفي الجسم ختاها
      منذ حوالي أسبوععبر فيس بوك موبايل ·  ·  · 
مرسلة بواسطة في

هناك تعليق واحد:

الاشتراك في: تعليقات الرسالة (Atom)