عوض الكريم الطاهرعوض الكريم الطاهر
من صدر القمر مرقت تضوى الساحه
ومن صدر الغزال فاحت رياح تفاحه
ومن ضل الهجير كالت عيونا سماحه
سكنت فى الشرايين وطلعو الغلابه قماحه
الأحد، الساعة 04:13 مساءً · أعجبني ·
Areeg Mahgob , Fathi Mohamed و Mayada Khidir معجبون بهذا
عوض الكريم الطاهر اعجبوك اولادك
الأحد، الساعة 04:15 مساءً · أعجبني
Fathi Mohamed -
كلام درر
منقط عسل عديل
الأحد، الساعة 04:19 مساءً · أعجبني
عوض الكريم الطاهر الدرر فى جواءك ديرينها تطلع بره
والعسل المنقط فى دواخلك حره
ياود الاصول وقت الايام المره
تكرم للضيوف وتعقد جلسه السره
الأحد، الساعة 04:22 مساءً · أعجبني · 2 شخص
Fath Elbari Mohamed كلام مفروض يضعوه داخل مربع ويكتبوا عليه قاعده للحفظ وجاي في الامتحان
الأحد، الساعة 04:23 مساءً · أعجبني · شخص واحد
الفكى الصديق كلامآ في القلوب يوم الحاره إقدل بره
وقول جنياتآ قباح في الشين وكت العيون تنصره
يا التلب الأصم شراب الدم وكت الخشوم تتمره
ضايار للصفوف وكتين الرجال تنجره
الأحد، الساعة 05:04 مساءً · أعجبني · 2 شخص
Fathi Mohamed -
قاعد افكر وعقلي ماخلاه
دا الوشم الشافني عيوني براه
قدلت اسد قلبي خفض من جواه
دي في الريل قناصه مابلقاه
...
مشاهدة المزيد
الأحد، الساعة 05:22 مساءً · أعجبني · شخص واحد
الفكى الصديق يا فتحي الزول السمح كل القلوب تطراهو
أفلج فاطرو السبيب فوق الكتيف شراهو
نور الشمس عز الربيع دسدسو و صراهو
إقدل بمهل سيد الناس وعيون الخلوق تبراهو
الأحد، الساعة 05:34 مساءً · أعجبني
Fathi Mohamed تسلم الفكي ماشي في الطريق
طاريهو شايل قلبي وبشاور فيه
ماشي البيت يادوب احوي
الأحد، الساعة 05:46 مساءً · أعجبني
الفكى الصديق يا فتحي تحياتنا ليهم ولكل زول فوق ديارك غاشي
بلغو السلام برقآ كبس دغشيه ليلو الماسي
قول ليهو شوقآ مر زي دم العروق
ماشي
ولدة محمد ماخابت كرمك عنافي لا لا مو حاشي
الأحد، الساعة 06:05 مساءً · أعجبني · شخص واحد
Fathi Mohamed _
انحنا خلاص درب الغرام ابعدنا
بس يالفكي بنتاوق بي العبره عليهن
بريد الجمال الصافي سيدن بدره ماديهن
خضرت لون وشفاهت وشيهن
...
مشاهدة المزيد
الأحد، الساعة 07:14 مساءً · أعجبني · 2 شخص
عوض الكريم الطاهر فرسان الحروف حرم حبابكم عشره
ابعدنى الدوام من نمكم والعشره
مقالبت الفحول فوق الحسان ماقشره
امجدوا حسنهن والبايره تطلع كشره
أمس في الساعة 01:39 صباحاً · أعجبني
الفكى الصديق أياك فارس الحروف وكتين تسيل منتشره
تربع في القوافي ومن جديد تجيك
منكسره
صنديد وطابق العشره فوق أب عشره
وحرم آ الطاهر معاك قولي إقدل
...
مشاهدة المزيد
منذ 16 ساعات · أعجبن
السماني نورالدائمالقني والنميم دايرحقيقة صحابة0الشاهين نظم كلماتو نتقزابة0ودالطاهرالفن عندوساقي سحابة0والصديق اجيك اسدا نترفي غابة
الفكى الصديقسمحه الهجه فوق بلدآ كتار بي ناسو
وسمحه قومة الفزع وكتين إدقو نحاسو
اللدر المكتح بالسموم من الجلد لي راسو
أخوي تمساح دميره كضب البقول من قاسو- الفكى الصديقسموك الأصم زارع الكرم جنب بابو
كل الجاهو دايمآ بقولو حبابو
خصايل السمته مقضي فيها شبابو
شجاع و هميم واسوق الصبر حرتبو ترابو - الفكى الصديقشيالين هموم فوق الهجير نتمشا
ركابين صعاب علي حناضل الصبر نتعشا
ما بنخشي الهوام وسم الدبيب الوشا
والفي القلوب كان مرق حرم ضحويآ رشا 
سراقة التجانيمناكفة الفوارق فيك عزوف الفكرة صوت الذكرى صمت الحسرة شوف الناس
مدى الوجع النتف طايوقو ما مقياس
حصاد الإرتهال كرب بطون الساس
شرف مشرور قصاد القيف زفير بتوسد الأنفاس
وأنا الشاتلني صمتك فيك ملتق بالصبر متراس
نوادر مشتهاك طلت علي منفى الفكر والراس
وجاك سفر الشوارد ليل بهاتي فريعك المياس
ضفاف الأمنيات حجت شواطي الإلفة والأجراس- الفكى الصديقلبسو حديد وصدرو منو أتدرع
المر الحجازي كاسو ما بتجرع
نار الكير عينو متل الدبيب القلع
الجود والكرم توبو بيهو أتضلع
الاثنين، 18 أبريل 2011
مجادعات على الفيس بوك 4
الاشتراك في:
تعليقات الرسالة (Atom)
ليست هناك تعليقات:
إرسال تعليق