السماني نورالدائمانجيت الشمال تلقي الرجالة عديل*وانجيت الجنوب تلقي الرجال والخيل*انجيت الشرق فرسانو طول توتيل*انجيت الغرب ديدان بشقو الليل*==انجيت الوسط كرماًاصيل لي اللة عنداهلي العزازالجدهم جاداللة*غرب النيل هناك حاج بلة*لي صديقن عسل ديل لي خسمن جلة*
Amir Faisalان جيت الغرب تلقانا نحنا رجال وأن درتا الشرق نحنا الهناك كمال في وسط البلد ان كان جنوب وشمال نحنا الاسود ورجال دؤاس وكتال بندور العدو الدايرنا بالزنديه فارسنا البغير حرم بكفي المية وان ولاء الدوبر حبوبتو مابت ريا شور الكبير الفي حياتو مدرب وقول الكبار عدو الصحيح ومجرب ماتغرك فلاحتك وابقي بهمك سرب الدنيا العبؤس بنيانا بكرة مخرب ضرب المثل قالوا الشقيق حساي وناسي الفضل ناكر جميل نساي الدار الزمان ياقلبي صار قساي انساه البفوت خليه قنب ساااااااي ****** سلام ياناس***********- Amir Faisalمافينا العرور الفي منامو مجلخ في بيت العوين وسط البنات متفلخ فينا الجنا النارا" هواها اسلخ قرنان الحجام الفي رقابنا مشلخ ياالاسد الرزم مابعجبك الهبيش ياامضاير الصفوف تقلع مشي القشيش ان دقا النحاس وجات القبايل جيش بجز الرقاب قبال تجيك ماليش الكي النجيض فوق الرقاب بتخلفو والضايف ابوحمل بتكرمو تزاملو وتاالفو ** صباحكم زين
- Amir Faisalماك القليل ضرب القواسي بحقرك في الحر والدواس دايما" متلب صقرك بلاع الكبار في عيونو باين نغرك اوعاك من صديق ان خزا امكن اعقرك مايغرك زمن قبل عليك واتبارك شين ان غلب باكر بمرق اسرارك العمل السمح سويه واكرم جارك اديه القرش صدقة وبتبرد نارك الدنيا يوم والتاني تب موهولك وان جار الزمن ساويه قنب طولك الزول الغشيم عافيه بمبزولك واللايك الصبر في الحارة بصبح زولك خربيش الزمن فوق النواعم ظاهر والفقر ان غرز شيطانو ماكر وقاهر طرف السقيد الفي خلاكم ساهر الليلة البعينك بكرة بيها بجاهر الليله الخلوق المال قطع طاريها في الدنيا ام زوال الناس تلملم فيها الزول الشحيح لنفسو مو مديها غاراهو العبوس والاخرة ديك ناسيها ********
الفكى الصديقكل ما شاك أمر علينا ليهو تعين
ثابت في الضرب السيف الحديدو سنين
اللدر المكتح راسو بالبارود كسار حصون الصين
كان لاقيت خصيم ما بعرف منك إقبل وين- السماني نورالدائمان حرالكماج تلقاني مالي الخانا=كم في الجتة ضربات اربي جي وجبخانا=حديث الناس كثير بس بيهو ماهمانا=ساعات النزال جبل الصبرحازانا=
Kirma Alhagعصروه النجوس عصرة بلايا نازل
في فجر الأديس غذوه دان و قنابل
مو نصرا للضعيف دايرين يسووا جمايل
دايرين العقيد يرفع تمام و تنازل
Ibrahim Elfatihالخواض قال:
.
في الثورات عموم شغل الحرابه منافي
والعادل دوام واجب علينا نكافي
لا نتابع الشعوب وتصبح بلدنا فيافي
والطف بالعباد من الدمار يا كافي- السماني نورالدائماناماني اللنصيحة مجافي :كلامو صحيح معروف للظهروالخافي :من الفوضي ديك ياكافي :مابنقصدبلدنا منقصدالغزافي:
- Ibrahim Elfatihالخواض عبد المحمود قال:
..
ثورات الشعوب شوف عيني صبحت موضة
ومجنونا حرن حالف معاركو يخوضة
زنقة وزنقتين أقسم يكوس الأوضة
يا أخواني النصيحة الفوضي ديك مرفوضة - السماني نورالدائمنجاح الثورة دايرلية قومة سريعة:من الضاق مرارات القهرتجريعة:ساعت الكبسة اسدا مابتصدو فجيعة:بعرف اشري هامات الرجال وابيعة:
- Kirma Alhagنجاح الثورة ما بدوروه ناس خايفنو
عارفين العقيد مجنون و زايد جنو
الحق و الحيقة حت أولادوا ما عايزنو
لكن المخاف شرارة الثورة تقدح منو - Kirma Alhagأجأروا يا شباب للإله ابتهلوا
اصدحوا بالدعا و في النحيب انبهلوا
ما سمعتوا الليبي قال للضعاف امهلوا
بوريكم عذابن ما سواهو ليفي و أهلوا - Kirma Alhagيا رب العباد يا ناصر نبيك محمّد
و يا حافظ الذكر ما ينمحي و يتجمّد
تتنصر للضعيف في الزاوية ما يترمّد
و تحفظ ليبيا من نيتو و عقيد بتسنّد - Kirma Alhagالليلة البريق من مصراته جابلو دهرّب ... و ثكلي الشافعة و المجروجة قام و تسرّب ... يا دبّاب يا هميم في الساعة قوب و اتكرّب .... و قول للعميل يا دوبو يومك قرّب
- السماني نورالدائمقدرماقلتة من النمة دايراتوب *كلام من ودمسيخ ذي الدررمكتوب*جديةً في الطِرح مافكرت في التوب *فاضل لي من تالاها اقول الروووووب *
الاثنين، 18 أبريل 2011
مجادعات على الفيس بوك 2
الاشتراك في:
تعليقات الرسالة (Atom)
ليست هناك تعليقات:
إرسال تعليق