شعراء السودان الشباب

هى مدونه ارشيفيه لكل الاعمال الفنيه والثقافيه للشباب السودانى بغض النظر عن عمره وتاريخه وانتماته فهذه المساحه للادب السودانى الاصيل

الاثنين، 18 أبريل 2011

مجادعات على الفيس بوك 5



  • محمد الحسن إبنعوف
    بعد فرقته عقبان مغسه مابتقنت...
    واحده الزايله عندى شن سكلت وإن غنت...
    تركت الهبه ليها من الصعيد وإتنت...
    شربت ريدى بكرى أتكيفتبو وتنت....
    منذ حوالي شهرعبر فيس بوك موبايل ·  ·  · 
    • عبدو ابو كساوي و مجدى الكمالى و بشرى ابراهيم و 2‏ آخرين يعجبهم هذا.
      • الفكى الصديق بعد مغسك تاني لقليبه ما تتصنت
        فارق دريبه حتي كان عديل أتدنت
        خليها تندم تشوف فراقك وبيهو شوفه كيف أتشنت
        الحب للأول وفوق قليبو السيوف أنسنت
        22 مارس، الساعة 07:26 مساءً‏ ·  ·  3‏ أشخاص
      • محمد الحسن إبنعوف شفته سماح فرنجه وليم عرب وبرابره...
        وضقته أيام مع بنوت ملوك وجبابره...
        الراكبه السما والملازمه الجابره...
        وأحد عندى بعدك يا الجفلتى مكابره...
        22 مارس، الساعة 07:36 مساءً‏ ·  ·  شخص واحد
      • ضياءالدين عمر كنت حاسس طول سنيني انو اشواقي وحنيني نقطة الضعف اللفيني إلا انتي تاني انسي انو كان بيناتنا قصة
        22 مارس، الساعة 07:46 مساءً‏ ·  ·  شخص واحد
      • الفكى الصديق شقيت وشفت سماح القمر في الجابره
        ضقت مبيت مع المربوعه ومشت عابره
        ضقت رفق الرجال فوق قنيص المن الشرك هابره
        وضقت عرضة نحاس وشبال من المعتقه تابره
        22 مارس، الساعة 07:59 مساءً‏ ·  ·  شخص واحد
  • ضياءالدين عمر
    فطومة ياشينة البنات
    ياحاقدة يادمك بقر
    فطومة اخطر من خطر
    فطومة جرثومة البشر
    فطومة يوم جاها العريس جابها الخبر
    ماصدقت ضاخت شهر
    الحلة كانت في حيرة وضجر
    كيف خلي بت نورين حامد سحر
    منذ حوالي شهرعبر فيس بوك موبايل ·  ·  · 
  • محمد الحسن إبنعوف
    شفته سماح فرنجه وليم عرب وبرابره...
    وضقته أيام مع بنوت ملوك وجبابره...
    الراكبه السما والملازمه الجابره...
    وأحد عندى بعدك يا الجفلتى مكابره...
    منذ حوالي شهرعبر فيس بوك موبايل ·  ·  · 
    • يعجبك هذا.
    • الفكى الصديق
      قح في الكلام وأجدع يمين وشمال
      شيلو النمه فالكم للعيون كحال
      خلوها فوقنا غيمه تنزل تصب هطال
      غوسو في بحر الكلام زي أب كريق
      دقش موجو بعد ماشال
      منذ حوالي شهرعبر فيس بوك موبايل ·  ·  · 
      • لقي هذا استحسانك واستحسان صديق البخاري ومجدى الكمالى وحبه الشاهين‏.
        • حبه الشاهين أسمع ياالفكي مني الحديث بي روقة
          في بنيتا متل صيدة الخلا المفكوكة
          شالت للمنام وعقولنا تب مربوكة
          ادينا الحلل كل الخطوط مشبوكة
          20 مارس، الساعة 06:51 مساءً‏ ·  ·  شخص واحد
        • الفكى الصديق شبيك الخطوط من جمالا وزوقه
          ناسب الرجال بعد الجمال الفوقه
          من قولك بنية سمحه كاسيها العفاف بطوقه
          جاريها في الكلام قبال تموت بشوقه
          20 مارس، الساعة 07:01 مساءً‏ ·  ·  شخص واحد
        • حبه الشاهين ياأخوي الفكي غالبني الحديث بالمرة
          دي ظبية وادي وقنيصة ومهرة
          كاسيها الجمال روعة جبال مرة
          كاويه القليب والنار هي اصلها جمرة
          20 مارس، الساعة 07:41 مساءً‏ ·  ·  شخص واحد
        • الفكى الصديق سارق الكلام خليهو طايع ومارن
          وجاريها حسن القول وزيك قارن
          أبعد من سلفيق الكلام الدارن
          شنق وأقدل زي فحل الإسود الحارن
          20 مارس، الساعة 08:07 مساءً‏ · 
        • حبه الشاهين مسارقة الكلام اوفيته تب بشروطه
          أتبخترت ومشيت و القدلة جأت مظبوطه
          لابسو جلد نمر ماخدلو مسحة فوطه
          وفي عند المها شبكتنا جاطت جوطه
          20 مارس، الساعة 09:23 مساءً‏ · 
        • الفكى الصديق تب ما قصرت فوقو ود الأريل الشارد
          كجيت لو الشرك فوق ساساق دريبو الوارد
          منو هبر وشرق من حداك قام متفارد
          أقع الضرايح أنهم الميتين وفي الحيين شوف أبان سبح متجارد
          20 مارس، الساعة 09:49 مساءً‏ · 
        • Kirma Alhag داورتو النفور و الشركة تب ما دارا
          21 مارس، الساعة 07:23 مساءً‏ ·  ·  شخص واحد
        • Kirma Alhag وقام منزرق خلى الدموع تتجارا
          21 مارس، الساعة 07:25 مساءً‏ ·  ·  شخص واحد
    • سفيان الريح أضاف على عبدالباقى وصهيب طه الكباشي وAhmed Abdalla‏ إلى المجموعة.
      منذ حوالي شهر ·  ·  · 
    • الفكى الصديق
      بالشي القليل نفسك تعافو ما رضايه
      دقر الهشيم سمك ما بتعالجو محايه
      أسد الخشش لحاق أم أربعات جرايه
      حقك في الشكر ليهو الخشوم نقايه
      منذ حوالي شهرعبر فيس بوك موبايل ·  ·  · 
      • سفيان الريح و صديق البخاري معجبان بهذا.
        • حبه الشاهين ياأخوي الفكي عقب فوق حديثك زيدو
          واكمل للوصف الانت عارف سيدو
          18 مارس، الساعة 09:06 مساءً‏ ·  ·  شخص واحد
        • الفكى الصديق حباب أخوي شاهين فحل القطابي أب صلعه
          ومرحبتين أخوي الفوقو الضعاف منقلعه
          نمر الخشه أخوي منو الرجال منهلعه
          حرم حبابك فارس اليوم الفيهو السيوف منشلعه
          18 مارس، الساعة 09:21 مساءً‏ ·  ·  شخص واحد
        • حبه الشاهين عارفك ياالفكي سيفا معلم وباين
          مابتعرف محال في الجارة مابتعاين
          صنديدا همام وماك زولا خائن
          والعجب القليب ابيض وخالي ضغائن
          18 مارس، الساعة 09:43 مساءً‏ ·  ·  شخص واحد
        • الفكى الصديق تسلم والله وحبابك آلاف
          18 مارس، الساعة 10:11 مساءً‏ · 
        • حبه الشاهين يديك العافية ياابو الرجال
          18 مارس، الساعة 10:26 مساءً‏ · 
        • حبه الشاهين يديك العافية ياابو الرجال
          18 مارس، الساعة 10:27 مساءً‏ · 
        • الفكى الصديق تسسسسسسلم أخوي الشاهين
          18 مارس، الساعة 10:36 مساءً‏ · 
    • الفكى الصديق
      سماحة 7و7 ليالي ليها البدر تمام
      وسماحة خيل بتصهل شايله للضرغام
      وضرب الصوت في السري زي الشلخ قوام
      نقر الشتم ورزمي السلاح شعره قايمه في الصمام
      منذ حوالي شهرعبر فيس بوك موبايل ·  ·  · 
    • حبه الشاهين
      في بداية الكلام الفين سلام وتحية
      لعوض الكريم صافي القليب والنية
      وبت المك كمان ليك السلام يابنية
      ولكل من كتب حرفا شال من شقانا شوية
      منذ حوالي شهرعبر فيس بوك موبايل ·  ·  · 
    مرسلة بواسطة في

    ليست هناك تعليقات:

    إرسال تعليق

    الاشتراك في: تعليقات الرسالة (Atom)